هذي قصيده حزينه ومعبره
سلطان بن رباح كان له خوي اسمه محمد بن عقيل
جمعنهم اخوة الدنيا --تزوج سلطان وجاله ولد سماه محمد من زود غلا خويه--كانوا يحبوا المقانيص والصيد --فطلعوا الاثنين مامعهم ثالث--وكان محمد يجهز الغداء بعد الظهر وسلطان ينظف السلاح فكان في طلقه مادرى عنها سلطان في المخزنه--ضغط الزناد وانصاب خويه محمد--ومات-سلطان سلم نفسه--وبدو المشايخ يتوافدون على اهل محمد على اساس يتنازلون--لكن للاسف مارضوا الا راس براس--صدر الحكم وقصوا سلطان لكن الصدفه بالموضوع ان قبر محمد كان جنب قبر سلطان فكانوا اخوان بالدنيا وجيران بالقبور-----
هذي القصه مبسطه لجل توضح ابيات القصيده---عجبتني واثرت فيني جدا فكتبتها لكم والله يعين يدي راح توجعني فدى عيونكم-----يافلاح الهم خيم فوق قلبي يافلاح
كيف تبغاني اسولف وانت خابرني عليل
وشقولك في عليل في حياته ما استراح
تنتظر دمعة عيونه لااظلم الليل الطويل
حالته لاماتباعد حال سلطان الرباح
بالخطا راحت حياته والخطا ماله مثيل
كان ويا صاحبه اثنين في ارض براح
يطلبون الصيد باين من الصبح الين المقيل
اجمعتهم صحبة الدنيا على جد ومزاح
مايهابون الليالي والحمول اللي تميل
ماقتل عامد ولكن ثور ابليسه السلاح
بالخطا ثار السلاح وين يلقاله دليل
وانعقد سجنه وربعه تنتظر فك السراح
والاكيد انه سجين ومارضوا ربعه القتيل
هل دمعه يوم صلى ركعتين الصباح
في نهار الجمعه اللي من ثقيل لثقيل
هلل وكبر ونفسه تذكر اللي راح وراح
كان بربعه عزيز وذله الوقت الذليل
لامحمد لاتهاني ولاسعود ولاصلاح
كلهم كانوا على باله وهمه في هديل
طفله ماكملت عامين صايبها كساح
وانتثر دمعه وحاله من سبايبها نحيل
حاله في ذا القصاص وغطوا الراس بوشاح
وجاك سيافه يشيل السيف ابو حد صقيل
ارتخى راسه وزاد الموقف الحامي صياح
بين نوح وبين دمع وبين صيحات وعليل
وارتفع صوت الحشود وزاده محمد وصاح
يايوبا تكفى دخيلك تسمع صوت الدخيل
يايوبا وشلون نصبر كيف نهجع بارتياح
وانت من دنيا عيالك ماخذك مر الرحيل
يامحمد هاك علمي واحفظه قبل المراح
انتبه لاخوانك وبالك عليهم لاتعيل
والله --الله في الصلاة وفي الصيام وفي الصلاح
والله--الله في امكم والله لكم بعدي كفيل
غمض عيونه ونفسه تطلب الله السماح
رافعا سبابته مطلوب والله الوكيل
وسل سياف الصفا سيفه ودقه ثم طاح
راس سلطان المراجل وانتتثر دمه يسيل
غسلوه وكفنوه وفاح طيب السدر فاح
وبالمصادف صار قبره جنب قبر بن العقيل
يافلاح السالفه ماهي كوارث يافلاح
خلني ساكت ودور غير هالقصه بديل
الثلاثاء أكتوبر 07, 2008 6:12 pm من طرف ساندرا
